الخميس، مارس 15

خواطر أنثى صادقة


    خواطر فتاه
الحكاية مش مجرد بنت عايشة وخلاص ... الحكاية حكاية حب بصدق واخلاص ... استنوا بس يا جماعه متنفهموش غلط مش شرط يكون الحب دا لحبيب فيه حب اصدق واخلص من كدا بكتير عارفين ايه هو؟!! "حب الله"
البنت دي نفسها توصل للدرجه دي هي صحيح بتصوم وبتصلي وبتعمل حاجات كتير حلوة بس حاسه ان كل كدا مش كفايه نفسها تقرب من ربنا اكتر , نفسها ربنا يحبها اكتر
مشكلتها انها شايفة الحياة بصورة سوداويه , عمرها ماكانت متشائمة بس الحياة بالنسبه لها مجرد حكاية نهايتها بدايه لحياة تانيه جديده مليئه بالحب والخير والسعاده
مافيش احلي من السعاده الاخرويه يمكن هي حزينه عشان شايفه الحياة كدا باللون الاسود الغامق , عايزه تلون نظارتها باللون البمبي يمكن تغير رؤيتها وفكرها
الحكايه لسه مابتنتهيش , الحكايه حب وعشرِةِ سنين ... حب ابوها وامها , حب اخوها واختها , حب اصدقائها في الكليه والكفاح والحياة , حب ابنها وبنتها , كل دا عايش معاها من سنين
الحكاية امل في بكرة يمكن يكون احلي والحياة يتغير لونها من الاسود للبمبي , عيش وحب وافرح واتعلم واوعي في يوم من الدنيا تتالم , عيش فيها كمجرد عابر هايجي يوم ويرجع مكانه الاصلي , كلنا هنا غرباء عايشين نعمر في ارض الله , خلقنا عزيز جبار ويوم ما يريد هنرجع تاني تراب
الحكايه باختصار ... هي كلمه مش هزار ... خلقنا عزيز جبار ... حب واعمل وارضي ربك تسعد باحلي اوقات مع عيلتك ... حب واعمل وارضي ربك هتشوف الدنيا بشكل تاني , شكل تاه من زمان ورجع بالحب والحنان ... حب واعمل وارضي ربك

By: Amany Badr

ليست هناك تعليقات:

إرسال تعليق