الأحد، أبريل 8

قصه حب


         قصة حب


كان يا مكان دي حكايه شاب زيه زي كل الشباب المكافح عايش حياته وبيتوكل علي ربنا , مشكلته انه مش بيثق ف حد او من الصعب انه يعطي ثقته لاي شخص مهما كان لازم يعرفه الاول وممكن كمان يختبره
وفجأه اتعرف علي بنوته صغنتوته كدا حبها عشان لاقاها من الناس الطيبه القليله ف الزمن دا , هي ف الاول مكنتش طايقاه بس هو حبها وجه عشان يصارحها بحبه ليها وبدون اي مقدمات وهما بيتكلموا قالها:
-            بحبك
-            اه فعلا بتحبني زي اختك
-            لا انا فعلا بحبك
-            بس انا بحبك زي اخويا
ساعتها هو حس بجرح عميق , حس ان قلبه بينزف مش عشان انه انجرح لكن عشان حس انه اتنازل عن كرامته ودي اهم حاجه عنده , وكمان عشان اتسرع كان لازم يتاكد من حبها الاول
هي كمان حسيت بالذنب قوي يمكن عشان عمرها ماجرحت حد او يمكن عشان انها كانت لسه خارجه من قصه حب فاشلها وان الانسان اللي وثقت فيه طلع واطي.
فضل الشاب دا يحبها ويكلمها بس يعيني هو مش مستحمل فكره الاخوات دي عشان فعلا حبها بس استحمل عشان خاطرها , حاولت هي تقرب منه وتصلح اللي حصل , حاولت تداوي جرح كرامته لانها حسيت بيه قوي , لما قربت منه لاقيته قد اي هو انسان طيب وحساس , قد اي هو بيحبها من قلبه
مع مرور الايام هي كمان حبيته بس حيائها منعها من انها تقوله استنيت اللحظه المناسبه وهو بيكلمها وقالت:
-            ايه رأيك نسمع اغنيه مع بعض؟
-            اوك بس هنسمع ايه؟
-            ممكن اسمعك انا علي مزاجي؟
-            انا موافق
شغلت الاغنيه من الموبايل وهما الاتنين بيسمعوها موسيقي وبعد كدا بدأ صوت الهضبه عمرو دياب وهو بيوصف مشاعرها بالضبط وبكل الكلام اللي عايزه تقوله وهو بيقول
"بعترف قدام عينيك من النهارده انا عمري ليك سيبني احبك يا حبيبي وانسي روحي انا بين ايديك"
ومع كلمات الاغنيه هو حس بالي هي عايزه تقوله , حس هي عايزه توصله ايه , عايزه تقوله انا بحبك يا حبيبي بحبك وسامحني لاني مقدرتش الحب دا من الاول بحبك من كل قلبي , قطع افكاره صوت الهضبه وهو بيكمل
"يا حبيبي وانت جنبي تفتكر انا هعمل ايه؟"
قالتله بصوت حنين ومكسوف:
-            بحبك
-            انت عارفه انا بحبك من زمان
-            سامحني علي اللي حصل ف الاول
-            ياحبيبتي خلينا نبدأ من جديد
وبدأو حياه جديده مع بعض , حبوا بعض بصدق واخلاص , هي مش شايفه غيره يالنسبه لها هو الراجل الوحيد ف الدنيا , هو كمان مش شايف غيرها العالم كله ف كفه وهي ف الكفه التانيه , هي بالنسبه له كل حاجه امه واخته وصديقته وحبيبته وصحبته و مراته
قد اي هو بيحبها وعمل المستحيل عشان يحسسها بالامان لان دي عقدتها الوحيده , قد اي هو استحملها في مواقف جنانها وغيرتها البشعه , قد اي هو حنين معاها وبيحبها , قد اي هو سامحها علي حاجات كتير غلط هي عملتها , قد اي هو انسان مفيش زيه ف الدنيا دي , بجد عمله نادره الوجود
وعديت سنه وهما لسه بنفس الحب في قلوبهم متغيرش , عديت سنه وكأن السنه دي كانت يوم , عديت سنه وهما مستغربين ان السنه دي خلاص خلصت وجايه سنه تاني من الحب والحنان " وكل عام وانت حبيبي"
الشاب دا يا جماعه لسه بعد مرور سنه مستحملها لانه شايفها قد اي هي طيبه وانثي علي حد تعبيره وفي يوم من الايام وهو بيكلمها سكت فجأه كدا وقالها بصوت حنين قوي:
-            حبيبتي !!
-            نعم يا حبيبي
-            تتجوزيني؟!!
-            نعم !! انت بتهزر ولا بتتكلم جد؟
-            طيب هو دا موضوع يستحمل هزار
هي سكتت ومقدرتش تقول حاجه لانها فعلا حسيت ان دا حلم بعيد وهي مش من حقها انها تحلم كفايه انها جنبه دلوقتي , هو كمان حس انها اتكسفت فمرضيش يضغط عليها ف الاجابه وسابها براحتها وغير الموضوع
تاني يوم وهما بيتكلموا سكت وبعد شويه قال:
-            مجاوبتنيش علي سؤالي
-            انه سؤال؟!
-            تتجوزيني ؟!!
-            دا بجد
-            طبعا امال انتي فاكره اي
-            طيب وانت محتاج انك تسألني
-            لا بس اي بنت بتكون مبسوطه وفرحانه اما حبيبها يقولها كدا
-            موافقه
-            بحبك قوووووووووووي
-            انا كمان بحبك وربنا يخليك ليا
-            ويخليكي ليا يا قلبي وميحرمنيش منك
يااااااااااه متتخيلوش يا جماعه هما بيحبوا بعض قد اي , وقد اي هما كانوا مبسوطين وفرحانين , فعلا حاجه حلوه اما تلاقي حد يحبك بصدق واخلاص , حد يحبك وهو عارف عيوبك بس شايف العيوب دي مميزات

By: Amany Badr

هناك 6 تعليقات:

  1. شكرا لمرورك الكريم
    احييك علي محاولاتك في طرح افكارك
    سعدت بمروري هنا
    تحياتي
    زهراء العرب العرب

    ردحذف
  2. عزيزي
    بوح شذي بكلمات بسيطة رغم انك انتقلت بنا من احاسيسك ومشاعرك الى احاسيسها ومشاعرها ولكن براعة الانتقال كانت تلوح بقدرة في الكتابه وبراعة في العزف بالانغام
    شكرا لمرورك المكرم ولاطلالتك البهيه
    دمت بكل ود وخير ووفاء واهلا بك

    ردحذف
  3. جزاكم الله خيرا جميعا وانا سعيد جدا جدا بمروركم الكريم والعطر على مدونتى البسيطه التى اتمنى ان تنال اعجابكم دائما وصراحة التى كتبت هذه الكلمات هى الأستاذه امانى بدر والمعروف عنها بذوقها العالى وكتاباتها الرائعه دائما فسوف نقدم لكم هنا دائما كل ما هو جديد .

    علاء الصافى

    ردحذف
  4. مساؤك ورد

    أخ علاء شكراً لك حضورك لمدونتي وتعليقك الرائع


    سعدت بوجودك كثيراً وأرحب بتواصلك وصداقتك



    نص القصة بسيط وعفوي ويحكي قصة حب عفوية


    صادقة تحدث بأي مجتمع أو بين أي رجل وأنثى


    أسلوبك رغم أنه باللهجة العامية المصرية


    إلا أنه بسيط وجميل


    تقبل مروري من هنا

    تقديري لك


    هناء المهنا

    ردحذف
  5. صداقتك تشرفنى اختى هناء وانا سعيد جدا لمرورك الطيب بمدونتى البسيطه التى اتمنى ان تنال اعجابك دائما واشكرك على تعليكك الرائع ولكى ان هذه الكلمات للأخت امانى بدر اسلوبها رائع ويعجبنى دائما اتمنى ان تسعدى معنا اختى الغاليه هناء المهنا


    علاء الصافى

    ردحذف
  6. جزاكم الله خير علي هذه الكلمات الرائعة وشكرا لمروركم ف مدونة اخي علاء واتمني ان تنال اعجابك دائما وابدا

    ردحذف